İdarə maşını inkassatoru aşırdı - FOTO

Bu gün səhər saatlarında Şəkidə ağır yol qəzası baş verib. Avtosfer.az-ın Anspress-ə istinadən verdiyi məlumata görə, hadisə Heydər Əliyev prospektində qeydə alınıb. Belə ki, Su-kanalizasiya İdarəsinə məxsus Niva markalı avtomobil yol ayrıcında keçmə qaydalarını pozaraq banklardan birinə məxsus “UAZ” markalı inkassator avtomobilinə çırpılıb. Qəza nəticəsində inkassator maşını aşıb. Hadisə zamanı ərazidən keçən bir nəfər də ağır yaralanıb. Faktla bağlı araşdırma aparılır.