İki avtobus toqquşdu: 12 yaralı var-SİYAHI

Bakıda iki sərnişin avtobusu toqquşub. Nizami Rayon Polis İdarəsindən  verilən məlumata görə, hadisə Qara Qarayev metrosunun yaxınlığında, “Ruslan” marketin qarşısında qeydə alınıb. 36 saylı xətt üzrə hərəkət edən sərnişin avtobusu ilə 1 saylı xətt üzrə hərəkət edən sərnişin avtobusu toqquşub. Toqquşma nəticəsində 10 nəfərdən artıq şəxs yaralanıb. Bu barədə Lent.az-a 3 saylı şəhər xəstəxanasından bildirilib. "Ruslan 93" marketinin qarşısından gətirilin yaralıların xəstəxanaya yerləşdirilməsi davam etdirilir.

***

Avtobus qəzasında yaralanan şəxslərin kimliyi müəyyənləşib. 3 saylıı şəhər xəstəxanasından Lent.az-a bildirilib ki, qəza nəticəsində yaralanmış 12 nəfər təcili tibbi yardım maşını ilə tibb müəsisəsinə gətirilib. Onlardan 3-ü ambulator müalicəyə yazılıb. Daha 9 nəfər xəstəxanada müalicəyə davam edəcək.

Yaralılar bunlardır:

Mehdiyev Tural Sürəddin oğlu - 1981-ci il təvəllüdlü

Bağırova Yeganə Fərman qızı -1975

Əlizadə Əli Səməd oğlu-57 yaş

Sultanov Güloğlan Böyükağa oğlu - 46 yaş

Əliyev Elnur Elman oğlu - 35 yaş

Həsənova Sehran Əhməd qızı - 50 yaş

Mahmudov Nail Əhməd oğlu - 30 yaş

Dəmirçiyev Qurban Telman oğlu - 35 yaş

Qəhrəmanov Rasim Mübariz oğlu - 22 yaş

Yaralılardan 35 yaşlı E.Əliyevin vəziyyəti daha ağırdır. O, reanimasiyaya yerləşdirilib.