İki nəhəng yük maşını toqquşdu - FOTO

İyulun 11-də saat 16-00 radələrində Ələt-Astara magistral yolunun 203 kilometrliyində, Lənkəran rayonunun Şilavar kəndi ərazisində iki yük maşınının toqquşması nəticəsində bir nəfər yaralanıb. Qazax rayon sakini Ramin Həsənovun idarə etdiyi “Şagman” markalı yük maşını Bakı istiqamətində hərəkətdə olarkən, yolun ehtiyat hissəsində hərəkətsiz dayanmış İran İslam Respublikasının vətəndaşı Şahram Goranbanlının sükanı arxasında oturduğu “KamAZ” markalı yük avtomaşını ilə toqquşub. Hadisə zamanı müxtəlif dərəcəli bədən xəsarətləri alan “Şagman”ın sürücüsü Ramin Həsənov Lənkəran Rayon Mərkəzi Xəstəxanasına çatdırılıb. İlkin versiya kimi hadisənin baş verməsinə səbəb “Şagman”ın sürücüsünün avtomaşını yüksək sürətlə idarə etməsi və qəfildən idarəetməni itirməsi göstərilir. Faktla bağlı araşdırmalar aparılır.