İŞİD reyd keçirib sürücüləri cərimələdi - FOTO

İŞİD terrorçu qruplaşması Suriyanın Rəkka şəhərində müstəqil dövlət olma yolunda daha bir addım atıb. Avtosfer.az xəbər verir ki, anspress-in məlumatına görə, İŞİD silahlıları avtomobil yollarında reyd keçiriblər. Terrorçular reydin fotolarını internetdə yayıblar. Fotolardan görünür ki, İŞİD-çilər paytaxt elan etdikləri Rəkka şəhərində sürücülərin vəsiqələrini yoxlayırlar. Bu sürücülük vəsiqələrini terrorçuların özləri tətbiq edib. Yol qaydalarına riayət etməyən sürücülər isə cəzalandırılır. Belə ki, işıqforun qırmızı işığında keçən, yüksək sürətlə hərəkət edən, içkili sürücülər cərimələnir.