İçərisində milyon avronun olduğu inkassator qarət edildi - FOTO

Fransada bir qrup cinayətkar bank inkassatorunu qarət ediblər. Avtosfer.az xəbər verir ki, hadisə avqustun 28-də Lion şəhərində qeydə alınıb. Bu barədə “Le Progrès” qəzeti məlumat yayıb.

Nəşrin məlumatına görə, cinayətkarlar iki mikroavtobusla, “Fransa” bankının binasından çıxan inkassatoru mühasirəyə alıblar və silahla hücum edərək mühafizəçiləri qapını açmağa məcbur ediblər. Pulları götürən şəxslər daha sonra maşını yandıraraq hadisə yerindən yayınıblar.

İnsident nəticəsində xəsarət alan olmayıb.

Prokurorluq oğurlanan pulun dəqiq məbləğini açıqlamır, ancaq bildirilir ki, söhbət milyon avrodan gedir.

Hazırda cinayətkarların axtarışlarına başlanılıb.

Namiq Musayev