İçərisindən 30 sərnişinin olduğu avtobus qəfildən yandı - FOTO

Rusiyanın Rostov əyalətində içi sərnişin dolu avtobus yanıb. Avtosfer.az “TASS”a istinadən xəbər verir ki, hadisə sentyabrın 11-də səhər saatlarında Eqorlıksk rayonunda qeydə alınıb.

Məlumata görə, içərisində 30 sərnişinin olduğu “PAZ” markalı marşrut avtobusu, hərəkətdə olarkən qəfildən yanmağa başlayıb.

Sürücü dərhal sərnişinləri təxliyə edib və yanğınsöndürmə bölmələrinə zəng vurub.

Yanğın yanğınsöndürmə bölmələri tərəfindən söndürülsə də, lakin avtobus alovlara təslim olaraq yararsız vəziyyətə düşüb.

Bildirilir ki, hadisə zamanı xəsarət alan olmayıb.

Yanğının baş vermə səbəbləri araşdırılır.

Namiq Musayev