“İctimai proseslər media müstəvisində” mövzusunda forum keçirilir - YENİLƏNİB - VİDEO - FOTOSESSİYA

Tədbirin açılış nitqləri və rəsmi hissəsinin ardınca media subyektlərinə müsahibəsində MEDİA-nın icraçı direktorunun müavini Natiq Məmmədli deyib ki, tədbirin panel iclasından sonra plenar iclası da olacaq:

“Bu hissədə ictimaiyyəti narahat edən bütün suallar birbaşa mənbədən cavablandırılacaq. Dövlət orqanları üçün də bu tədbirin mühim əhəmiyyəti var. Çünki bu halda qurumlar informasiyanı mötəbər mənbələrə kimi çıxışını əldə edirlər, həm də jurnalistlərlə birbaşa təmasda ola bilirlər. digər tərəfdən media subyektlərinin də ilkin mənbədən birbaşa məlumatlar əldə edilməsi üçün mühim platformadır”.

***

10:41

***

Bakıda Medianın İnkişafı Agentliyinin (MEDİA) təşkilatçılığı ilə “İctimai proseslər media müstəvisində” mövzusunda ikinci forum keçirilir.

Avtosfer.az xəbər verir ki, tədbirdə Medianın İnkişafı Agentliyinin İcraçı direktoru Əhməd İsmayılov, Azərbaycanın İnsan Hüquqları üzrə Müvəkkili (Ombudsman) Səbinə Əliyeva, Ali Məhkəmənin Mülki Kollegiyasının sədri Sənan Hacıyev, həmçinin başqa dövlət qurumlarının idarə heyətlərinin üzvləri, nazir müavinləri və media subyektlərinin rəhbərləri iştirak edirlər.

Forum medianın maarifləndirici funksiyasının və ictimai rəyin formalaşdırılmasında proaktiv rolunun artırılması, həssas məlumatların cəmiyyətə müəyyən prinsiplərə uyğun şəkildə ötürülməsi, media, dövlət qurumları və digər tərəflər arasında koordinasiyanın təkmilləşdirilməsi məqsədilə təşkil edilir.

Tədbir açılış nitqləri və rəsmi hissənin ardınca “Konstitusiya və Suverenlik İlində media gündəmi”, “Nəqliyyat infrastrukurunda davamlı həllər media müstəvisində” və “Təhlükəsizlik rəqəmsal media mühiti: məlumatlı istifafəçilər” adlı panel sessiyalarla davam etdiriləcək.

Medianın İnkişafı Agentliyinin İcraçı direktoru Əhməd İsmayılov tədbirdə açılış nitqi ilə çıxış edərək bildirib ki, Prezident İlham Əliyev bir qayda olaraq cəmiyyətdə baş verən hadisələr haqqında əsas informasiya qaynaqlarından biri kimi medianın rolunu daim yüksək qiymətləndirib və onun ictimai nəzarət funksiyasına böyük önəm verdiyini həmişə vurğulayıb. Medianın ictimai maraqlardan irəli gələn obyektiv və qərəzsiz məlumat hazırlamaq funksiyasını layiqincə yerinə yetirməsi üçün ölkəmizdə həm ictimai-siyasi, həm də hüquqi zəmində hər cür şərait yaradılıb.

Tədbir panel sessiyası ilə davam edəcək.

Səfər