İntizamsız sürücülərin yaratdığı tıxacı yol polisi belə həll etdi - REAL VİDEO

Bakının Yasamal rayonunda nəqliyyatın hərəkəti ilə bağlı yaranan problem vətəndaşlar tərəfindən birmənalı qarşılanmayıb.

Avtosfer.az xəbər verir ki, ötən gün Yasamal rayonu Akim Abbasov küçəsi ilə Mətbuat prospektinin kəsişməsində nəqliyyat vasitələrinin hərəkətinin mümkünsüzlüyü ilə bağlı görüntülər ortaya çıxıb. Vətəndaşlardan biri evinin balkonundan yaşanan vəziyyəti çəkərək yayıb. O, sürücülərin bir-birinə yol verməməsi nəticəsində hər iki küçədə yaranan halın qəbuledilməz olduğunu bildirib. Vətəndaş avtomobil idarəçilərinin bu cür hərəkətini sürücü mədəniyyəti ilə əlaqələndirib.

Görüntülərdən sonra Nəqliyyatı İntellektual İdarəetmə Mərkəzi tərəfindən dərhal açıqlama verildi. Sürücülərin yaratdığı vəziyyətin sadəcə 1 nəfər yol polisi əməkdaşı tərəfindən necə düzəldilməsi və hərəkətin bərpası ilə bağlı görüntüləri dərhal yayılıb.

Qurumdan Avtosfer.az-a bildirilib ki, Yasamal rayonu, Mətbuat prospekti ilə Akim Abbasov küçəsinin kəsişməsində yaranan sıxlığın aradan qaldırılması məqsədilə yol polisi əməkdaşları tərəfindən zəruri tədbirlər görülüb. Qısa müddət ərzində nəqliyyatın ləngiməsinin bitişik digər yollara yayılmasının qarşısı alınıb, hərəkətin fasiləsizliyi təmin olunub.

Səfər