Konfetdən narkotik çıxdı - FOTO

Həbsxanaya gətirilimiş konfetin içindən narkotik çıxıb. Avtosfer.az-ın Penitensiar xidmətin İctimaiyyətlə əlaqələr şöbəsinə istinadla verdiyi məlumata görə, hadisə 3 saylı İstintaq təcridxanasında baş verib. Fakt Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində aşkarlanıb. Təcridxanada saxlanılan şəxs Cəfər Əli oğlu Mehdiyevə vətəndaş Ramil Rafiq oğlu Ağayev tərəfindən gətirilmiş sovqata baxış keçirilib. Bu zaman, konfetlərin içində xüsusi üsulla gizlədilmiş 2 ədəd sellofan bükülüdə xalis çəkisi 2.19 qram olan narkotik vasitə - həşiş qətranı və 1 ədəd sellofan bükülüdə xalis çəkisi 0.754 qram olan narkotik vasitə - heroin aşkar edilərək götürülüb. 

Fakt üzrə araşdırma aparılır.

Emin