Kor sürücü avtobus sürdü

Çexiyada qəribə bir hadisənin üstü açılıb. Avtosfer.az-ın anspress-ə istinadən məlumatına görə, bu ölkədə görmə qüsurlu bir şəxsin uzun müddətdir şəhər avtobusunda sürücüsü işlədiyi məlum olub. Belə ki, bir kişi korlar üçün dövlətdən maddi yardım alırmış. Amma, görmə qüsurlu insanlara ayrılan dövlət yardımını alan şəxs bir anda bələdiyyə avtobusunda sürücüsü vəzifəsinə işə düzəlib. Xəstəliyi səbəbindən sürücülük hüquqlarından məhrum olan kişi avtobus idarə etməyə başlayıb. Tanışlarından gizlin sükan arxasına keçən sürücünün bir müddət sonra bu əməlinin üstü açılıb.  O, növbəti dəfə dövlət vəsaitini almağa gedəndə polis tərəfinfən ələ keçirib. İstintaq zamanı məlum olub ki, əslində sürücünün şəhadətnaməsi olmayıb və o, korluğa görə vəsaiti almağa davam edib. 

Ölkənin Məşğulluq Mərkəzi kişinin əlillik haqqında şəhadətnaməni necə aldığını müəyyənləşdirmək üçün araşdırmalara başlayıb. Onun bu müddət ərzində dövlət büdcəsindən nə qədər vəsait mənimsədiyi də araşdırılır. Bundan başqa, cinayətkar qanunsuz olaraq sərnişindaşımada işlədiyi üçün məsuliyyətə cəlb olunacaq.