«Koroğlu»da daha bir gənc körpüyə çıxdı: «İntihar edəcəm» - YENİLƏNİB

Metronun “Koroğlu” stansiyası yaxınlığında bir gənc körpüyə çıxaraq intihar edəcəyini bildirir. APA-nın hadisə yerində olan əməkdaşının verdiyi məlumata görə, körpüdən özünü atmaq istəyən şəxs 1990-cı il təvəllüdlü Şahmarov Şəhriyar Müqəddim oğludur. Hadisə yerinə Fövqəladə Hallar Nazirliyinin xilasediciləri cəlb olunub. Onlar Ş.Şahmarovu fikrindən daşındırmaq üçün danışıqlar aparırlar.

***

Metronun “Koroğlu” stansiyası yaxınlığında intihar etmək istəyən gənc xilas edilib. APA-nın hadisə yerində olan əməkdaşının verdiyi məlumata görə, FHN-in psixoloq heyətinin körpüdən özünü atmaq istəyən1990-cı il təvəllüdlü Şahmarov Şəhriyar Müqəddim oğlu ilə apardığı danışıqlar müsbət nəticə verib. Gənc təhlükəsizlik qaydalarına əməl etməklə körpüdən endirilib və aidiyyatı üzrə təhvil verilib.