Küçəyə zibil atan sürücünü belə cəzalandırdılar – VİDEO

Rusiyada, daha dəqiq desək, Dağıstanda baş vermiş bu olay çoxlarının marağına səbəb olub. Belə ki, svetaforda dayanmış avtomobildən küçəyə zibil atan sürücü gözlənilməz hadisə ilə qarşılaşıb. Yoldan keçən piyada sürücünün maşından atdığı tullantı ilə yanaşı, küçədəki bütün zibilləri toplayıb həmin avtomobilin pəncərəsindən içəri atır. Bu reaksiyanı gözləməyən sürücü isə əsəbi halda yerə düşərək piyadanın üstünə cumur. Lakin arxadakı maşında olanlar dərhal yerə düşərək məsələyə müdaxilə edirlər. Hətta, digər sürücülər bu hərəkətinə ggörə maşından küçəyə zibil atan sürücüyə iradlarını da bildirirlər.

Avtosfer.az-ın məlumatına görə, Azərbaycanda, xüsusən də paytaxt Bakıda sürücülərin əksəriyyəti avtomobil idarə edərkən heç nədən çəkinmədən, sanki belə olmalıymış kimi, küçəyə zibil atırlar. Yəni, avtomobildən küçəyə zibil atmaq adət halını alıb. Siqaret qutusu, su butulkası (kapron və ya şüşə), dondurma qabı və digər tullantıları rahatlıqla küçəyə atanların diqqətinə çatdırmaq istəyirik ki, İnzibati Xətalar Məcəlləsinə görə, bu əmələ görə sürücünü 40 manat cərimə gözləyir. Eyni əməli avtomobildəki sərnişin töərədərsə, onun cəriməsi 30 manatdır.

Qeyd: Videonu sosial şəbəkələrdə AzərTAc Dövlət Agentliyi yayıb.

Avtosfer.az