Kürdəmirdə qəza: ölən və yaralanan var

Kürdəmirdə ölümlə nəticələnən avtomobil qəzası baş verib. APA-nın məlumatına görə, hadisə bu gün səhər saat 09:00 radələrində Ağsu-Kürdəmir-İmişli yolunda, Kürdəmirin Topalhəsənli kəndi ərazisində qeydə alınıb. Həmin kəndin sakinlərinə məxsus iki minik avtomobilinin toqquşması nəticəsində sürücü, 1979-cu il təvəllüdlü Süleymanov Rahib Eyvaz oğlu aldığı ağır xəsarətlər səbəbindən hadisə yerində dünyasını dəyişib. Digər avtomobilin sürücüsü, 1977-ci il təvəllüdlü Osmanov Elnur Osman oğlu müxtəlif bədən xəsarətləri ilə Kürdəmir Mərkəzi rayon Xəstəxanasına yerləşdirilib. Faktla bağlı Kürdəmir rayon Polis Şöbəsi tərəfindən araşdırma aparılır.