Masallı sakini qonşusunu və onun oğlunu güllələdi

Masallı rayonunda qonşular arasında silahlı insident yaşanıb. Hadisə rayonun Əhmədli kəndində qeydə alınıb. Kənd sakini, 1966-cı il təvəllüdlü Hafiz Cəfərov qonşuları - 1989-cu il təvəllüdlü Vüqar İsmayılov və onun atası, 1960-cı il təvəllüdlü Valeh Məmmədrəsul oğlu İsmayılova ov tüfəngindən 2 əl atəş açıb. Nəticədə güllə xəsarətləri alan yaralılar Lənkəran Rayon Mərkəzi Xəstəxanasına yerləşdiriliblər. Biri qol, digəri isə diz nahiyəsindən yaralanan ata və oğulun vəziyyəti orta-ağırdır. Hadisəni törədən H.Cəfərov Masallı RPŞ-nin əməkdaşları tərəfindən saxlanılıb.

Faktla bağlı araşdırma aparılır.