Maşın ağaca girdi; ölən var

Qusarda ölümlə nəticələnən yol-nəqliyyat hadisəsi baş verib. Anspress-in verdiyi məlumata görə, hadisə rayonun Kirik kəndində baş verib. "Mitsubishi" markalı avtomobilin sürücüsü idarə etməni itirərək yol kənarındakı ağaca çırpılıb. Qəza nəticəsində bir nəfər ölüb. Ölənin şəxsiyyəti hələlik məlum deyil. Hadisə yerinə Fövqəladə Hallar Nazirliyinin əməkdaşları cəlb olunub. Xilasedicilər ölənin meyitini deformasiyaya uğramış avtomobildən çıxarıblar. Faktla bağlı araşdırma aparılır.