Maşın oğurlayan qardaşlar tutuldu

Bakının K.Balakişiyev küçəsində yaşayan Rüstəm Rüstəmova məxsus “VAZ-21015” markalı avtomobil qaçırılıb. Bu barədə Lent.az-a Bakı Şəhər Baş Polis İdarəsindən məlumat verilib. Nizami Rayon Polis İdarəsinin 25-ci Polis Bölməsi, Xətai Rayon Polis İdarəsinin Cinayət Axtarış Şöbəsi  və Rayon Mühafizə İdarəsi əməkdaşlarının keçirdikləri əməliyyat tədbirləri nəticəsində, avtomobili qaçıranlar Ağcabədi rayon sakinləri Fərid Əlizadə və qardaşı Toğrul Əlizadə avtomobillə birlikdə tutulub. Araşdırmalar davam etdirilir.