Məktəbin divarı maşınların üzərinə uçdu - Əraziyə qüvvələr cəlb olundu - RƏSMİ - VİDEO

Artıq iki gündür ki, davam edən yağan intensiv yağış paytaxtın bir sıra ərazilərində bir sıra fəsadlara səbəb olub.

Yağış suları Bakının Xəzər rayonu Mərdəkan qəsəbəsində də təsirsiz ötüşməyib.

Avtosfer.az-ın məlumatına görə, sözügedən ərazidə yerləşən 123 nömrəli tam orta məktəbin divarı aramsız yağışın təsirindən yararsız vəziyyətə düşüb. Videodan da göründüyü kimi, uçan divar işıq dirəyinin və park edilmiş maşınların üzərinə düşüb. Nəticədə“VAZ-2106” və “Mazda” markalı avtomobillər ağır daşların təsirindən sıradan çıxıb. Xoşbəxtlikdən hadisə zamanı yaxınlıqda insan olmayıb.

Məsələylə əlaqədar Xəzər Rayon İcra Hakimiyyəti Avtosfer.az-ın sorğusuna cavab olaraq bildirib ki, əraziyə lazımi qüvvələr cəlb olunub. Hal-hazırda işlər aparılır.

Nərmin