Metroda bomba həyəcanı

Bakıda metroya bomba qoyulması ilə bağlı polisə məlumat daxil olub. Avtosfer.az bu barədə, anspress-ə Daxili İşlər Nazirliyinin mətbuat xidmətindən verilən məlumata görə, dekabrın 24-də saat 01.45 radələrində naməlum şəxs “102” xidmətinə zəng edərək "“28 May” stansiyasının yanına bomba qoymuşuq” deyə bildirib. Dərhal həyata keçirilmiş tədbirlər nəticəsində məlumat təsdiqini tapmayıb. Nəsimi Rayon Polis İdarəsinin 22-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində yalan məlumatı verən şəxs, Mingəçevir şəhər sakini, 32 yaşlı Taleh Səfərov metronun “28 May” stansiyasının yaxınlığında tutulub. Onun sərxoş halda olması müəyyən edilib. Faktla bağlı araşdırma aparılır.