Mişel Platini üçün Bakıdan avtomobil gətirdilər

UEFA Superkubok matçının keçirildiyi Tbilisiyə səfəri zamanı UEFA prezidenti Mişel Platini onun üçün xüsusi olaraq Bakıdan gətirilmiş avtomobil ilə hərəkət edib.  

Avtosfer.az xarici mətbuata istinadən xəbər verir ki, UEFA prezidentinə Azərbaycandan Nissan Patrol markalı avtomobil gətirilib.

Tbilisidə olan zaman Platininin şəxsi sürücüsü gürcü basketbolçusu Zviad Atadze olub.  

Xatırladaq ki, Superkubok uğrunda mübarizədə “Barselona” əlavə vaxtda “Sevilya”ya 5:4 hesabı ilə qalib gəlib.