«Möhtəşəm Yüzil»in gənc sultanı qəzaya düşdü

Azərbaycanda daha çox "Kavak yelləri" və "Muhteşem yüzil" serialında yaratdığı obrazları ilə məşhurlaşan türk aktrisa Pelin Karahan çətin anlar yaşayıb. Anspress-in məlumatına görə, hamilə qaldıqdan sonra sevgilisi ilə ailə həyatı quran sənətçi həyat yoldaşı Bedri Güntay ilə birlikdə qəzaya uğrayıb. Cütlük dostları ilə birlikdə ötən gün təşkil olunmuş gecə partisinə qatılıb. Çıxışda Bedri spirtli içki qəbul etdiyinə görə avtomobili Karahan idarə etməli olub. 6 aylıq hamilə olan Pelin sükan arxasına keçdiyi ilk andaca qəza şəraiti yaradıb. Aktrisa çətinliklə də olsa, qəzadan qurtula bilib. Mihrimah Sultan obrazından sonra ərəb dünyasından təkliflər alan aktrisa qəza barədə sualları cavablandırmaq istəməsə də, çox qorxduğunu bildirib. Təhlükə ilə üz-üzə qalan cütlük əsas övladlarına görə narahat olduqlarını bildiriblər.