“Moykada” “Audi"dən pul apardılar

Bakının Binəqədi rayonunda avtoyuma məntəqəsində işləyən 2 nəfərin maşınları qarət etmələri məlum olub. Bakı şəhər Baş Polis İdarəsindən Avtosfer.az-a verilən məlumata görə, əməliyyat Binəqədi rayon Polis İdarəsi 7-ci polis bölməsi, çevik polis alayı əməkdaşları tərəfindən keçirilib. Keçirilən əməliyyat-axtarış tədbirləri nəticəsində avtoyuma məntəqəsinin işçiləri, Biləsuvar rayon sakinləri - 1983-cü il təvəllüdlü Riyad Babayev və 1994-cü il təvəllüdlü Nihad Nəzərli tutulub. Onların dekabrın 19-da saat 12:00 radələrində, 6-cı mikrorayon S.Məmmədova küçəsində yerləşən avtoyuma məntəqəsində Bakı şəhər sakini, Zəfər Sadıqova məxsus “Audi” markalı avtomobildən 2000 manat oğurlayıblar. Faktla bağlı araşdırma aparılır.

Emin