Nadir Qafarzadə maşının cərimə meydançasına salınmasından danışdı

Müğənni Nadir Qafarzadə bir neçə gün öncə mətbuatda “90 BS 777” nömrə nişanlı, “Lexsus” - 570” markalı avtomobilinin Yol Polis Əməkdaşları tərəfindən cərimə meydançasına aparılması xəbərinə aydınlıq gətirib. Hazırda Türkiyədə olan müğənni anspress-ə bildirib ki, maşının cərimə meydançasına aparılması xəbəri şayiədir: “Artıq bir neçə gündür ki, Türkiyədəyəm. Sənətçi dostlarımla birgə Fransada iştirak etdiyim “Fort Boyard” yarışmasından sonra buraya dincəlməyə gəlmişəm. Hər zamankı kimi ailəmlə, doğmalarımla birlikdə istirahət edirəm. Belə bir xəbər oxudum ki, guya avtomobilimi cərimə meydançasına aparıblar. Açığı xəbəri oxuyub, güldüm. Belə bir şey olmayıb. Bu yalandır. Mən Türkiyədə, maşınım da qarajda, ustadadır. Deyəsən bütün şayiələr tükənib, indi keçiblər maşınıma? Dəyərli media jurnalistlərindən xahiş edirəm ki, məlumatı yazmadan öncə araşdırasınız. Əgər belə bir şey varsa, etiraz etmirəm, yazın. Amma olmadan yazmaq, bu haqsızlıqdır. Bu cür söz-söhbətlərlər mənim istirahətimi pozma bilməz. İstirahətimi pozmaq istəyənlər varsa, onlara demək istəyirəm ki, alınmayacaq”.