Narkokartellərin toqquşması zamanı 8 nəfər öldürülüb

Meksikada iki narkokartel arasında silahlı toqquşma olub.

Bu barədə TASS xəbər yayıb.

Qeyd edilir ki, toqquşma nəticəsində 8 nəfər həlak olub. Üzərində güllə yaraları və işgəncə əlamətləri olan meyitlər ölkənin qərbindəki Miçoakan ştatının Aqililya bələdiyyəsində tapılıb.

Məlumata görə, münaqişə "Xalisko Yeni nəsil" narkokarteli ilə yerli cinayətkar qruplaşma arasında baş verib.

Hadisənin başvermə şəraiti müəyyənləşdirilir.