Nazirlər Kabinetinin qarşısında maşın aşdı – FOTO

Bu gün saat 16:10 radələrində Nazirlər Kabinetinin binası qarşısında yük maşını aşıb. Hadisə şahidlərinin Avtosfer.az-a verdiyi məlumata görə, Teymur Elçin küçəsi ilə üzü «Gülüstan» Sarayı istiqamətə hərəkət edən yük maşını qoşa xəttin tələbini pozaraq sola – Nazirlər Kabineti tərəfə dönərkən aşıb. Hadisəyə səbəb sürücünün sürət həddini aşmasıdır. Qəza nəticəsində avtomobildə olan yük dağılıb. Hadisə yerinə gələn evakuator həmin avtomobili ərazidən uzaqlaşdırıb.

Qeyd edək ki, aşan yük maşını məhşur sok firmalarından birinə məxsusdur.

Nurlan