Nazirlik daha 100 nəfərə minik avtomobilləri təqdim etdi

Ötən aydan etibarən Azərbaycan Respublikası Prezidentinin "1941-1945-ci illər Böyük Vətən müharibəsi əlillərinin və onlara bərabər tutulan şəxslərin xüsusi avtonəqliyyatla təmin edilməsi sahəsində əlavə tədbirlər haqqında" 30 aprel 2014-cü il tarixli Sərəncamının icrasına başlanılıb. 2014-cü ilədək növbədə dayanmış Böyük Vətən müharibəsi əlili və onlara bərabər tutulan şəxslərdən bu gün verilən avtomobillər də daxil olmaqla artıq 423 nəfərinin avtomobillə təminatı  həyata keçirilib və belə şəxslərin avtomobillə tam təminatının gələn ay başa çatdırılması planlaşdırılır. Ümumilikdə, son 3 ay yarım ərzində avtomobillə təmin olunanların sayı 1100 nəfərə çatıb. Minik avtomobili təqdim edilən Böyük Vətən müharibəsi əlilləri və onlara bərabər tutulan şəxslər Prezident İlham Əliyevin həyata keçirdiyi uğurlu siyasət nəticəsində ölkəmizin hərtərəfli və sürətli inkişafından  qürur hissi keçirdiklərini vurğulayıblar. Onlar əlilliyi olan şəxslərin dövlət hesabına avtomobillə təminatının sürətləndirilməsindən razılıqlarını ifadə edərək, sosial cəhətdən həssas əhali qruplarına bütün sahələrdə göstərilən yüksək diqqət və qayğıya görə dövlətimizin rəhbərinə minnətdarlıqlarını bildiriblər.

Emin