Nəqliyyat Nazirliyi yolun bərbad olmasından şikayət etdi - VİDEO

Sakinlər 198 saylı dəmir yolu marşrutlarının arasındakı intervaldan şikayətlənir. ANS-in məlumatına görə, Zabrat 1 qəsəbəsi, 64.2 ünvanında məskunlaşmış sakinlərin problemi yaşadıqları əraziyə gələn marşrutlar arasında intervalın çox olmasıdır. Sakinlər deyir ki, 2 il əvvəl şikayətlərimiz əsasında əraziyə 198 nömrəli dəmir yolu marşrut xəttinin açılmasına nail olduq. Ancaq problem sona kimi həll olunmadı. Çünki ayırdıqları marşrutun sayi 3 ya 4 dənədir. Onların da yollara dözümü yoxdur. Bərbad vəziyyətdə olan döngələrdə avtobus 1-2 dövr etdikdən sonra sıradan çıxır. 1-2 işlək nəqliyyat vasitəsi qalır. Qışda isə demək olar ki avtobuslar işləmir. Bu səbəbdən uşaqlar dərsə gecikir. Çünki marşrut olmadığından 100-lərlə metr yolu piyada gedərək hər hansı ictimai nəqliyyat vasitəsinə minə bilirlər. 

Nəqliyyat Nazirliyinə müraciət etdik. Bildirildi ki, ərazidəki ictimai nəqliyyat problemindən xəbərdardırlar. Marşrut xəttinin tam bərpa olunmamasının səbəbi yol probleminin mövcudluğudur. Bununla bağlı bələdiyyəyə də müraciət edilib. Problem həllini tapmadığından yenidən şikayətlər nəzərə alınaraq həmin quruma müraciət ediləcək və yolların asfalt örtüyü bərpa olunduqdan sonra ictimai nəqliyyat məsələsi də öz həllini tapacaq.