“Niva” qadını öldürdü

Ötən gün saat 12 radələrində Xətai rayonu Zığ yolu küçəsində ölümlə nəticələnən yol qəzası olub. Avtosfer.az-ın Daxili İşlər Nazirliyinin mətbuat xidmətinə istinadən verdiyi məlumata görə, Bakı şəhər sakini Ziya Abbasov idarə etdiyi “Niva” markalı avtomobillə yolu keçən piyadanı vurub. Araşdırmalar zamanı məlum olub ki, vurulan piyada Solmaz Hacıverdiyevadır. Qadın ağır xəsarətlərlə xəstəxanaya yerləşdirilib. Lakin həkimlər onun həyatını xilas edə bilməyiblər. Xətai rayon Polis İdarəsi tərəfindən araşdırma aparılır.