Oğlunun andiçmə mərasiminə getdi; maşın vurdu

Gəncə şəhərində piyadanın xəsarət alması ilə nəticələnən yol-nəqliyyat hadisəsi baş verib. Gəncə şəhər Baş Polis İdarəsindən APA-ya verilən məlumata görə, hadisə şəhərin Şah İsmayıl Xətai prospektində qeydə alınıb. Gəncə şəhər sakini, 24 yaşlı Rza Məmmədov idarə etdiyi “Kia Rio” markalı avtomobillə yolu keçmək istəyən piyada, Lerik rayonunun Kürdəsər kənd sakini, 45 yaşlı Cəlal Xosrovovu vurub. Yaralı Gəncə şəhər Təcili Tibbi Yardım Xəstəxanasına çatdırılıb. Onun vəziyyətinin normal olduğu bildirilir. Faktla bağlı araşdırma aparılır. Məlumata görə, avtomobilin vurduğu Cəlal Xosrovov Gəncədə “N” saylı hərbi hissədə xidmət edən oğlunun andiçmə mərasiminə gəlib.