Oğru taksi sürücüləri yaxalanıb

Rusiyanın Moskva şəhərinin şimalında polislər taksi fəaliyyəti ilə məşğul olan 2 azərbaycanlını yaxalayıblar. Avtosfer.az-ın anspress-ə istinadən məlumatına görə, Moskva polisi yaydığı xəbərdə deyilir ki, növbətçi hissəyə 24 yaşlı Moskva ali təhsil ocaqlarının birində oxuyan tələbənin şikayəti daxil olub. Onun sözlərinə görə “Planernaya” metro stansiyası ətrafında maşın saxlayıb və onu “Pavşinskaya poyma” adresinə aparılmasını xahiş edib. Şikayətçi bildirir ki, yol gedən zaman taksi sürücüsü ona pivə təklif edib və cavan oğlan təklifi qəbul edib. Lakin daha sonra o huşunu itirib. Ayıldıqda isə zərərçəkən planşetinin, içində pullar olan portmanının və skripkasının olmadığını görüb. Faktla əlaqədar cinayət işi açılıb.

Elə həmin gün polis 40 yaşlı Azərbaycan əsilli şübhəli yaxalayıb. O şəxsi maşını ilə taksi fəaliyyəti ilə məşğul olurdu. Polis tərəfindən saxlanılan maşına baxış keçirilən zaman psixotrop təsir edən həblər üzə çıxıb. Bundan sonra şübhəli haqqında həbs qəti imkan tədbiri qərarı verilib. 

Azərbaycanlı taksi sürücüsünün yaşadığı ünvana baxış keçirilən zaman isə onun 48 yaşlı qardaşı da saxlanılıb. Belə ki, onun da avtomobilinin saxlanc yerindən saxlanılan qardaşının cinayət zamanı işlətdiyi həblərin eynisi aşkarlanıb. Saxlanılan azərbaycanlıların adları məlumatda qeyd olunmur.