Oğul qəza törətdi, atası öldü

Qaradağ rayonu ərazisində yol-nəqliyyat hadisəsi baş verib. Avtosfer.az-ın Daxili İşlər Nazirliyinin saytına istinadən verdiyi xəbərə görə, dünən saat 18 radələrində rayonun Ələt qəsəbəsi ərazisində Abşeron rayon sakini Şahmar Ağayev idarə etdiyi “Nissan” markalı avtomobili yol ayırıcına vurub. Qəza nəticəsində Ş.Ağayevin atası Qafar Ağayev hadisə yerində ölüb. Ş.Ağayev özü isə xəstəxanaya yerləşdirilib. Faktla bağlı Baş Dövlət Yol Polisi İdarəsi tərəfindən araşdırma aparılır.