Öldürdüyü adamın meyitini baqaja qoydu; tutuldu

İki gün əvvəl Samux rayonunda törədilən qətlin üstü açılıb. Avtosfer.az-ın Daxili İşlər Nazirliyinin saytına istinadən verdiyi məlumata görə, avqustun 2-də Samux rayonunun Sərkar kəndinin ərazisində Gəncə şəhər sakini Səyyad Bədəlovun meyiti onun özünə məxsus “VAZ-21015” markalı avtomobilin yük yerində aşkar edilib. Faktla bağlı cinayət işi başlanıb. Samux Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən Gəncə şəhər sakini, əvvəllər məhkum olunmuş Elşad Bağırov müəyyən edilərək tutulub.