Ötən ay dəmir yolu ilə 217 milyon dollarlıq yük daşınıb

İyulda dəmir yolu nəqliyyatı ilə ümumilikdə 557 min 977 ton yük daşınıb ki, bu yüklərin dəyəri 217 milyon ABŞ dolları olub.

Dövlət Gömrük Komitəsindən verilən məlumata görə, keçən ay dəmir yolu nəqliyyatı ilə ixrac olunan 191 min 770 ton yükün dəyəri 33,3 milyon dollar təşkil edib.

Eyni dövrdə bu nəqliyyat növü ilə idxal edilən yüklərin həcmi 366 min 208 ton, dəyəri isə 183,7 milyon dollar olub.