PA rəhbərinin müavini qəzaya düşdü

Prezident Administrasiyasının yüksək rütbəli məmurlarından olan Zeynal Nağdəliyev Kürdəmir ərazisində yol qəzası keçirib.Bu barədə musavat.com-a hadisə şahidlərindən biri məlumat verib. Onun dediyinə görə, Nağdəliyev Kürdəmir xəstəxanasına aparılıb. Dövlət məmurunun «BMW» markalı maşını «VAZ-21015» markalı maşınla toqquşub. Z. ağdəliyevin və onunla toqquşan maşındakıların durumu haqda əlavə məlumat ala bilmədik. 

Qeyd edək ki, ölkənin rəhbər heyəti bu gün günortadan başlayaraq cəbhə xəttinə yollanmaqdadır. Z.Nağdəliyev də bu məqsədlə Ağdama gedirmiş. 

Zeynal Nağdəliyev Azərbaycan Respublikası Prezidenti Administrasiyasının Regional idarəetmə və yerli özünüidarəetmə orqanları ilə iş şöbəsinin müdiri, Azərbaycan Respublikası Prezidentinin Administrasiyası rəhbərinin müavinidir.