Park etmək istədi, maşını aşırdı - VİDEO

Sürücünün ani diqqətsizliyi sonda maşının əzilməsilə nəticələnib. ANS-in məlumatına görə, Nizami rayonu, Qara Qarayev prospektində “Toyota” markalı minik maşını hündürlükdən yola aşıb. Şahidlərin sözlərinə görə, həmin ərazini orada yaşayanlar və işləyənlər dayanacaq kimi istifadə edirlər. Elə maşın sahibi də həmişəki qaydada avtomobilini park etmək istəyib. Lakin maşının əyləc sistemi əvəzinə sürət pedalından istifadə etməsi, sonda maşının səkiyə düşməsilə nəticələnib. “Toyota”nın ön hissəsi səkidə, arxa hissəsilə daş hasardan asılı qalıb. Xoşbəxtlikdən hadisə zamanı piyada səkisində heç kimi olmayıb. Bu da qəzanın xəsarətsiz ötüşməsilə nəticələnib. Sürücü özü də qəzadan yara almayıb. Amma maşına bir qədər maddi ziyan dəyib. Avtomobili normal vəziyyətə gətirmək üçün əraziyə qaldırıcı kran çağırılıb. Bir neçə cəhddən sonra maşını əvvəlki duruş formasına qaytarmaq mümkün olub.