Polis əməkdaşı "Toyota" ilə qəza törətdi - VİDEO

Paytaxtın Nəsimi rayonu, Həsən Əliyev küçəsində xəsarətlə nəticələnən yol-nəqliyyat qəzası baş verib. ANS-in məlumatına görə, qəza zamanı “Toyota” markalı avtomobillə “Mercedes” markalı avtomobil toqquşub. Nəticədə “Mercedes” markalı avtomobilin sürücüsü Rasim Həsənov sağ qolundan xəsarət alaraq xəstəxanaya çatdırılıb. Avtoqəzanın “Toyota” markalı avtomobilin sürücüsünün "dayan" yol nişanının tələblərini pozduğu üçün baş verdiyini deyilir. Qəza zamanı o, Həsən Əliyev küçəsinə sürətlə daxil olurmuş. Hadisə şahidlərinin sözlərinə görə, “Toyota” markalı avtomobilin sürücüsü polis əməkdaşı imiş. “Toyota” markalı avtomobilin sürücüsü isə özünü təqdim etmədi və hadisə yerindən uzaqlaşdı. Qəza yerinə gələn Nəsimi Rayon Polis İdarəsinin əməkdaşları hadisənin səbəblərini araşdırır. Hadisədə kimin günahkar olması təyin ediləcək ekspertizaların nəticələrindən sonra məlum olacaq.