Polis maşınına hücum: 2 ölü

Dağıstanın Xasavyurt rayonunda naməlum silahlılar polis işçilərinin avtomobilini atəşə tutublar. Anspress-in məlumatına görə, hücum nəticəsində 2 polis həyatını itirib, ikisi isə yaralanıb. “İnsident Moskva vaxtı ilə saat 21:00-da Xasavyurt-Oktyabrski yolunda baş verib. Yolu kəsən “Lada-Kalina” maşınından naməlum yaraqlılar polislərlə dolu avtomobilə atəş açıblar. Nəticədə «VAZ-2199» avtomobilində olan 2 polis əməkdaşı aldıqları yaralardan həyatlarını itiriblər, digər iki əməkdaş isə yaralanıb”- deyə hüquq respublikanın mühafizə orqanlarında olan mənbə İtar-Tassa bildirib.

Qeyd olunur ki, operativ-axtarış tədbirləri nəticəsində polis əməkdaşları hücum edənlərin avtomobilininin yolunu kəsiblər. Atışma nəticəsində 3 hücum edəndən biri öldürülüb.