Polis olmaq istəyənlərin nəzərinə!
Azərbaycanın daxili işlər naziri general-polkovnik Ramil Usubov tərəfindən iyunun 28-də Quba rayonunda vətəndaşların qəbulu keçiriləcək. Daxili İşlər Nazirliyindən Avtosfer.az-a verilən məlumata görə, polisdə xidmətə qəbulla əlaqədar keçiriləcək qəbul Quba, Qusar, Xaçmaz, Şabran, Siyəzən, Xızı rayon sakinləri üçün nəzərdə tutulub. Vətəndaşların qəbulu saat 10:00-da başlanacaq. Qəbulda polisin sıravi və kiçik rəis heyəti vəzifələrində xidmət etmək istəyən Quba, Qusar, Xaçmaz, Şabran, Siyəzən, Xızı rayon sakinlərindən yaşı 20-dən az 30-dan çox olmayan aşağıdakı şərtlərə uyğun:
- Azərbaycan Respublikasının Silahlı Qüvvələrində həqiqi xidmət müddətini tam başa vurmuş (qadınlar istisna olmaqla), yaşı 20-dən aşağı, 30-dan yuxarı olmayan;
- boy ölçüsü 180 sm-dən az (qadınlar üçün 170 sm) olmayan;
- düzgün bədən quruluşlu və idman cüssəli, tam orta təhsilli;
- yol-patrul xidməti inspektoru vəzifələrinə əlavə olaraq avtomobil nəqliyyatına aid olan orta-ixtisas və ya ali təhsilli, 3 ildən çox sürücülük təcrübəsi olan, kompyuterdən istifadə etməyi bacaran şəxslər;
- "Azərbaycan Respublikasının daxili işlər orqanlarında xidmət keçmə haqqında Əsasnamə"də müəyyən olunmuş digər şərtlərə cavab verən Azərbaycan Respublikasının vətəndaşları iştirak edə bilərlər.
Nurlan