«Prado» avtobusa çırpıldı - FOTO

Gecə saatlarında Bakıda avtobusun iştirakı ilə yol qəzası baş verib. Avtosfer.az-ın hadisə yerində olan əməkdaşının verdiyi məlumata görə, «Toyota-Prado» markalı, 90 EE 656 dövlət nömrə nişanlı avtomobil Yusif Səfərov küçəsində – Bakı şəhər Baş Polis İdarəsinin binası qarşısında avtobusla toqquşub. Şahidlərin sözlərinə görə, sürətlə hərəkət edən «Prado» dayanacaqda dayanmış 136 nömrəli marşruta çırpılıb. Qəza zamanı xəsarət alan olmasa da, «Prado»ya ciddi ziyan dəyib. Evakuator həmin avtomobili hadisə yerindən uzaqlaşdırılıb. Hadisə yerinə yol polisi əməkdaşları gəlib.

Emin