Prezidentliyə sabiq namizədin qızı piyadanı vurduğu üçün həbs edildi

Yasamal rayon məhkəməsi Milli Şuranın sədri Cəmil Həsənlinin qızı Günel Həsənli barədə qərar çıxarıb. Avtosfer.az "Azadlıq" qəzetinə istinadən xəbər verir ki, bu barədə Milli Şuranın Koordinasiya Mərkəzinin üzvü Oqtay Gülalıyev facebook səhifəsində yazıb. G.Həsənli 1 il 6 ay müddətinə məntəqə tipli cəza çəkmə müəssisəsində cəza çəkməyə məhkum edib.

Qeyd edək ki, Daxili İşlər Nazirliyi sentyabrın 19-da saat 14:30 radələrində sürücü Günel Həsənli idarə etdiyi “KİA” markalı avtomobillə yolu keçən piyada, 1928-ci il təvəllüdlü Ədilə Səlimovanı vurub:  “Günel Həsənli xəsarət alan piyadanı götürərək xəstəxanaya aparıb. Sürücü məsuliyyətdən yayınmaqdan ötrü zərərçəkmiş şəxslə sövdələşib və həkimlərə yalan məlumat verib. Onlar bildiriblər ki, guya Ədilə Səlimova yıxılıb və Günel Həsənli yardım etmək məqsədi ilə onu xəstəxanaya aparıb. Lakin polis əməkdaşlarının apardığı araşdırmalar nəticəsində hadisənin əsl mahiyyəti üzə çıxıb və onların hər ikisi danılmaz faktlar qarşısında aciz qalaraq hadisəni etiraf edib”.