Putin Kosmonavtika Gününü belə qeyd edəcək

Rusiya prezidentinin mətbuat katibi Dmitri Peskov Vladimir Putinin hər il aprelin 12-də qeyd olunan Kosmonavtika Günü ilə bağlı planlarını açıqlayıb. Peskov Putinin həmin gün dünyanın ilk kosmonavtı Yuri Qaqarinin yerə eniş etdiyi "Engels" Hərbi Aerodromuna uçacağını bildirib.

"Prezident bu günü diqqətdən kənarda qoya bilməzdi. O, "Engels"-ə uçacaq, Qaqarinin eniş etdiyi yerə baş çəkəcək. Orada sanballı muzey-park kompleksi yaradılıb", – deyə prezidentin mətbuat katibi bildirib.
Qeyd edək ki, bu il aprel ayının 12-də "Vostok" raket daşıyıcısının Sovet kosmonavtı Yuri Qaqarinlə birlikdə "Vostok-1" kosmik gəmisini orbitə çıxarmasından 60 il keçir. Qaqarin kosmosa səyahət edən ilk insan olub. (Sputnik Azərbaycan)