"Qadın avtobus sürücüləri sərnişinlərin davranışlarına müsbət təsir edəcək" - EKSPERT

Dünəndən 2 qadın avtobus sürücüsü vəzifələrinin icrasına başlayıb. Onlar 140 və 141 E avtobuslarında çalışacaqlar.

Avtosfer.az-ın məlumatına görə, qadınların sürücülük fəaliyyətindən Redaktor.az-a fikirlərini bildirən nəqliyyat eksperti Eldəniz Cəfərov qeyd etdi ki, qadınların ictimai nəqliyyatda, avtobus sürücüsü kimi fəaliyyətə başlaması normal haldır:

"Bu, bizi təəccübləndirməməlidir, çünki əvvəllər də ictimai nəqliyyatda işləyən qadınlarımız olub. Əsasən tramvay xətlərində çalışan sürücülərin əksəriyyəti qadınlar olub. Taksi xidməti sahəsində çalışan qadınlar da mövcuddur. Həmçinin, təyyarə idarə edən pilot qadınlarımız var. Qadınların avtobus sürücüsü kimi fəaliyyətə başlaması həm bu seqmentə olan etibar, inam və güvəni artıracaq, həm də sərnişinlər üçün ictimai nəqliyyatın avtobus seqmentini daha cəlbedici edəcək. Eyni zamanda, sürücü və sərnişinlər arasındakı davranışların müsbət istiqamətdə dəyişməsinə şərait yaradacaq".