Qadın sürücülər tərəfindən bir gündə iki qəza törədildi - FOTO

Bakının Yasamal rayonunda 3 maşının toqquşması ilə nəticələnən qəza baş verib. Hadisə "Alov Qüllələri"nin yaxınlığında qeydə alınıb. Qadın sürücü idarə etdiyi "Honda" markalı avtomobillə əvvəlcə dayanacaqda dayanan "London taksi"sini, daha sonra isə "VAZ 2109"u vurub. İdarəetməni itirən sürücü maşını yaxınlıqdakı binanın mühafizə köşkünə çırpdıqdan sonra dayandıra bilib. Zərərçəkən sürücü Şamil Əliyevin sözlərinə görə, qəza qadın sürücünün diqqətsizliyi ucbatından baş verib. Qəza ilə bağlı yolda sıxlıq yarandığından avtomobillər evakutaor vasitəsi ilə hadisə yerindən uzaqlaşdırılıblar. Faktla bağlı Səbail Rayon Polis İdarəsində araşdırma aparılır.

Qadın sürücü tərəfindən daha bir qəza Ucar rayonunda törədilib. Hadisə Bakı-Qazax magistral yolunun Ucar rayonun Pirkənd kəndindən keçən hissəsində baş verib. Şəmkir rayon sakini, 1958 ci il təvəllüdlü Şəfiyeva Ofeliya Fuad qızı idarə etdiyi "KİA" markalı avtomobilin idarəetməsini itirib və maşın aşıb. Nəticədə sürücü və onun sərnişini, Şəmkir rayon sakini 1992-ci il təvəllüdlü Yadigarlı Şəbnəm Turan qızı ağır xəsarət alıb. Onlar Ucar Mərkəzi Rayon Xəstəxanasına çatdırılıblar. Faktla bağlı araşdırma aparılır.