Qadını vurub qaçan sürücü tutulub

Bakıda qadını avtomobillə vuraraq qaçan sürücü tutulub. Avtosfer.az xəbər verir ki , bu barədə Daxili İşlər Nazirliyinin (DİN) rəsmi saytı məlumat yayıb.

Belə ki, Nərimanov Rayon Polis İdarəsinin (RPİ) 18-ci Polis Bölməsi (PB) əməkdaşlarının həyata keçirdikləri tədbirlərlə avqustun 10-da Dilruba Həşimovanın xəsarət alması ilə nəticələnən yol-nəqliyyat hadisəsinin “Mercedes” markalı avtomobilin sürücüsü - Xaçmaz rayon sakini Samir Kərimov tərəfindən törədilməsi müəyyən edilib.

Faktla bağlı araşdırmalar davam etdirilir.