Qar Daşkəsəndə fəsadlar törədib - FOTO

Daşkəsənə güclü qar yağıb.

Avtosfer.az-ın APA-ya istinadən məlumatına görə, bu gün səhər saatlarından yağmağa başlayan qar rayon mərkəzinə 20-21 sm, dağ kəndlərinə isə 40-50 sm-ə çatıb. Qar səbəbindən rayonun Qabaqtəpə, Əmirvar, Astaf, Təzəkənd, Pirverdilər kəndlərinə elektrik enerjisinin verilməsində fasilələr yaranıb.

Hazırda “Azərenerji”nin əməkdaşları ucqar kəndlərə enerji verilişinin bərpası istiqamətində işlər aparır.

Bundan başqa ucqar kəndlərə gedən avtomobil yollarında buzlaşma var. Görülən tədbirlər nəticəsində dağ yollarında hərəkət qismən bərpa olunub.