Qara görə polis gücləndirilmiş rejimdə xidməti davam etdirir - FOTO

Qarın yağması ilə əlaqədar Qax Rayon Polis Şöbəsinin əməkdaşları tərəfindən hərəkətin təhlükəsizliyinin təmin edilməsi və yol-nəqliyyat hadisələrinin qarşısının alınması məqsədilə zəruri tədbirlər həyata keçirilir.

DİN-in Mətbuat Xidmətinin Şəki regional qrupundan Avtosfer.az-a verilən məlumata görə, şəhər daxilində, eləcə də  turistlərin də ən çox üz tutduğu kənd yollarında nəqliyyatın hərəkəti Yol Patrul və Post Patrul Xidmətinin əməkdaşları tərəfindən tənzimlənir, sürücülərlə profilaktik söhbətlər aparılır və onlara yollarda olan vəziyyət barədə məlumat verilir.

Həmçinin, piyadaların, xüsusilə də azyaşlıların avtomobil yollarından keçirilərək mənzil başına təhlükəsiz şəraitdə çatması üçün lazımi qabaqlayıcı tədbirlər görülür.