Qarabağa gedən avtobuslar: Sürücü peşəkarlığı, təmir bazası, ehtiyat avtobuslar...

“İşğaldan azad edilmiş ərazilərə səfər üçün seçilən avtobusların texniki göstəriciləri, sürücülərin peşəkarlığı, daşıyıcıların təmir bazası, ehtiyat avtobusların təşkil edilməsi və s. məqamlar nəzərə alınıb”.

Avtosfer.az xəbər verir ki, bunu işğaldan azad edilmiş ərazilərə müntəzəm avtobus marşrutlarının açılması ilə bağlı bu gün keçirilən brifinqdə Dövlət Avtomobil Nəqliyyatı Xidmətinin rəisi Anar Rzayev deyib.

O bildirib ki, hər meyar üzrə qiymətləndirmə aparılıb:

“Müsabiqədə seçimlər zamanı 3 şirkət iştirak edib. Onlardan biri qalib gəlib. Qalib şirkət bütün təhlükəsizlik meyarlarına uyğun gəlib və normativlərə cavab verib”.