Qatarda itən 1 milyonluq əsər

Fransız-italyan kolleksiyaçı Françesko Plateroti Vang Çenpenqin "Nefrit terrasında ölməzlərin ziyafəti" adlı rəsm əsərini noyabrın ortalarında Paris-Cenevrə sürət qatarında unudub. Bir milyon avroluq rəsm əsərini TGV sürət qatarında unudan kolleksiyaçı rəsm əsərini qaytarana mükafat təklif edib. Anspress-in məlumatına görə, o, Çin rəsm əsərini incəsənət fondu sərgisində nümayiş etdirmək üçün Parisə gedib. Cenevrə yaxınlığında Belqrad sür Valserin komunasına qayıdanda qiymətli rəsm əsərini oturacağında qoyub.

F.Plateroti deyib: "Yanımda olmadığını görəndə həddən çox pis oldum. Qatarın işçilərini xəbərdar etsəm də, Cenevrəyə çatanda heç nə tapılmadı. Mən noyabrın 21-də saat 20:11-də Parisdən Cenevrəyə gedən TGV 9789 reysli qatardakı sərnişinləri şahidlik etməyə çağırıram. Gündə 3 dəfə İsveçrənin itmiş əşyalarla bağlı departamentinə zəng edirəm".

Xatırladaq ki, orijinallıq sertifikatı kolleksiyaçıya məxsus olduğu üçün heç kim əsəri sata, yaxud sərgiyə çıxara bilməz.