«Qırmızı nömrəli» maşınlara pərdə və plyonka vurula bilərmi?

Diplomatik korpusa məxsus avtomobillərdə pərdə və plyonkalardan istifadə oluna bilərmi? Qanun “qırmızı nömrəli” avtomobillərlə bağlı bu məsələdə hər hansı məhdudiyyət nəzərdə tuturmu? Bununla bağlı Moderator.az-ın sualını cavablandıran  Baş Dövlət Yol Polis İdarəsinin şöbə rəisi, polkovnik Kamran Əliyev qanunvericilikdə hər hansı nəqliyyat vasitəsinə belə bir əlahiddə səlahiyyət verilmədiyini vurğuladı: «Qanunvericilikdə belə bir müddəa yoxdur. Yəni heç bir nəqliyyat vasitəsinə icazə verilmir ki, plyonka və ya görüntünü məıhdudlaşdıran örtüklərdən istifadə etsin. Yəni bu məsələdə heç bir nəqliyyat vasitəsi istisna təşkil etmir».

O zaman Bakı küçələrində diplomatik nömrə nişanı daşıyan maşınların qara pərdə və plyonkada hərəkət etməsi nə deməkdir? Azərbaycan qanunları həmin diplomatlara aid deyil, yoxsa Dövlət Yol Polisi onların öhdəsindən gələ bilmir?