Qubada qəza zamanı qadın özünü maşından atdı

Ötən gün axşam saatlarında Quba rayonunun Haput kəndi ərazisində yol-nəqliyyat hadisəsi baş verib. APA-nın xəbərinə görə, Quba rayonunun Haput kənd sakini Eyvaz Əzizovun idarə etdiyi “QAZ 66” markalı avtomobil idarəetməni itirərək maneəyə çırpılıb. Qəzadan öncə nəqliyyat vasitəsində olan 44 yaşlı Quba rayonu Haput kənd sakini Rəfiqə Əzizova özünü avtomobildən atıb. Ağır xəsarətlər alan R.Əzizova Quba Mərkəzi Rayon Xəstəxanasının reanimasiya şöbəsinə yerləşdirilib. Onun vəziyyətinin ağır-stabil olduğu bildirilir. Faktla bağlı Quba rayon Polis Şöbəsində araşdırmalar davam etdirilir.