REYD; 5 avtobus xətdən çıxarıldı, taksilər qaçıb gizləndi

“Dövlət Avtomobil Nəqliyyatı Xidmətinin Gəncə şöbəsi və 1 saylı Regional Nəqliyyat” MMC növbəti birgə reydini keçirib. Avtosfer.az-ın APA-ya istinadən məlumatına görə, reyddə şəhər daxilində sərnişindaşıma ilə məşğul olan orta tutumlu avtobusların fəaliyyətinin qanunvericilik və tələblərə uyğunluğu yoxlanılıb. Bəzi sürücülərə zəruri göstərişlər verilib. Reyd zamanı 12 avtobus sürücüsünə cərimə protokolları tərtib olunub, 5 nəqliyyat vasitəsi isə xətdən çıxarılıb.

Taksi sürücülərinə qarşı keçirilən reyd isə daha çətin baş tutub. Belə ki, qanunsuz taksi fəaliyyəti ilə məşğul olanların çoxu yoxlamalardan qaçmağa müvəffəq olublar. Buna baxmayaraq 10-dan artıq taksi sürücüsünə protokol tərtib olunub. Bəzilərinə isə gün ərzində fərqlənmə nişanı almaq üçün vaxt verilib.